Sh.Zinxhiria

18/03/2010 "Tirana Observer"

E pabesueshme, po është një realitet. Një realitet që ndodh pikërisht në vendin fqinj, në vendin ku jeta e një shqiptari i kushton qeverisë helene jo më shumë se 44 euro në muaj. Një shumë kjo që me të drejtë është hedhur poshtë nga familja e viktimës së vrarë pak ditë më parë nga policia greke në shkëmbim zjarri me dy shqiptarë të tjerë, të posa dalë nga burgu me leje përkatëse.
Sa për kujtesë të politikës greke
Në shkurt të këtij viti, policia ka vrarë gabimisht një shqiptar, duke e çuar numrin e të vrarëve në 87 viktima të pafajshme. Fjala bëhet për të riun 25 vjeçar, Niko Todi që u vra më 19 shkurt të këtij viti dhe që tronditi opinionin vendas, po më shumë se këdo familjen dhe prindërit e tij, të cilët sot me dhembshuri ndjejnë mungesën e djalit të tyre. Por si gjithnjë në këto raste fatkeqësie, familja e viktimës kishte marrë ngushëllime edhe nga Presidenti grek Karolo Papulias që është shprehur: “Unë shpreh keqardhjen time të thellë për humbjen e padrejtë të qytetarit tonë të pafajshëm. Në familjen e Niko Todit dhe njerëzve të tij, u përcjell mbështetjen time të plotë dhe shpreh simpatinë time të thellë”. Ndërsa ministri i Mbrojtjes së Qytetarit, Hristohoridis ka thënë: “Nuk mund të themi për një sukses të operacionit, kur në të humbet një jetë njeriu, humbet një i ri punëtor dhe familjar. Por bëmë të mundur që të kapim kriminelët më të ashpër gjatë këtyre 30 vjetëve. U dha një betejë e ashpër por...”. Më pas ministri Hristohoidis nëpërmjet mediave, pati dhënë edhe “një premtim” nëpërmjet Drejtorit të Përgjithshëm të Policisë z. Eleftherio Ikonomou, por megjithëse kanë kaluar mbi tre javë e gjysmë nga vrasja e pafajshme të riut shqiptar, premtimi mbeti vetëm premtim.
Sot, çdo gjë në harresë
Askush nuk është kujdesuar për prindërit dhe familjen e viktimës. Askush nuk u ka trokitur në derë nga autoritetet vendase për të parë se me ç’të ardhura jeton gruaja dhe fëmija e tij. Asnjë nga politika greke apo dhe shqiptare nuk ka treguar ndonjë interesim njerëzor, për të ulur sa do pak dhimbjen e të afërmeve, që pas asaj dite të humbjes së Nikos, sot janë braktisur në një kohë kur me ligj duhej të ishin ndihmuar ekonomikisht
Të afërmit në kërkim të së drejtës
Të afërmit, pasi kanë parë indiferentizmin e burokracinë e shtetit grek, kanë trokitur në dyert e autoriteteve vendore për të marrë më në fund ndihmë sociale. Nga Anastas Murati mësojmë përpjekjet që ka bërë së bashku me gruan dhe të afërmit e tij, në dyert e Prefekturës së Athinës, përball një mal kërkesash burokratike. Edhe pse dihet shkaku i vrasjes, që i riu 25 vjeçar u vra në punë e sipër nga policia, burokratizmi shtetëror grek, si autoritete vendore ashtu edhe dikasteret shtetërore, pa asnjë arsye mbajnë pezull ndihmën sociale apo ekonomike sipas ligjit vendas në fuqi.
Prefektura: 44 euro shpërblimi për vdekjen
Mbetëm të ofenduar dhe të indinjuar kur mësuam se familjes së viktimës i kishin lidhur një ndihmë sociale prej 44 euro në muaj. Kjo ndihmë sociale prej 44 euro i jepej nga Prefektura e Athinës për fëmijën 18 muajsh, ndërsa për gruan dhe prindërit nuk ishin parashikuar nga kjo prefekturë. Sipas ligjeve vendas në fuqi, familja e viktimës përfiton edhe një pension, pasi vrasja e tij konsiderohet si një aksident në punë. Por deri në këto momente, familja po ndeshet me një burokraci të paparë, e indiferentizëm të çuditshëm ku kalon çdo lloj fantazie njerëzore.
Të afërmit: 44 euro ja bëjmë dhuratë burokracisë së shtetit
Të indinjuar sa nuk bëhet më, për vlerësimin njerëzor që u bëhet nga shteti, duke i lënë tashmë në mes të rrugës, pa asnjë ndihmë ekonomike, familja vendosi që këtë shumë prej 44 euro t’ia bëjë dhuratë burokracisë së shtetit dhe autoriteteve vendore.
Premtimi mbeti vetëm premtim
Opinioni vendas dhe komuniteti shqiptar mësoi nëpërmjet mediave vendase dhe të huaja, premtimin e bërë nga Drejtori i Përgjithshëm i Policisë, Eleftherios Ikonomi, se do të punësonte pranë forcave të policisë gruan e të riut 25 vjeçar. Po edhe ky premtim mbeti i tillë, dhe duket se u dha sa për sy e faqe para opinionit.
Hipokrizia e ambasadës shqiptare
Por deri kur? Një detyrë i mbetet Ambasadës Shqiptare në Athinë që larg çdo hipokrizie, të bëjë detyrën që i takon, kur ka të bëjë me raste të tilla fatkeqësie dhe padrejtësie që i bëhen bashkëkombësve të saj. Si përfaqësuese e shtetit, duhet të bëjë përpjekje që emigrantët tanë të respektohen dhe të mos u shkelet dinjiteti edhe kur nuk janë më në jetë. Besoj se kjo është detyra e saj për të ndjekur çështjet e kësaj natyre, pasi njerëzit janë dhe prandaj i marrin dhe paratë. Kur do të vijë ajo ditë që emigrantët të ndjejnë dorën e shtetit të tyre në vend të huaj?...

13/03/2010 "Telegraf'"

Greqia përjetoi dje një ditë historike të demokracisë, ndërsa presidenti i sapo rizgjedhur Papulias bëri betimin si president i vendit. Në hyrje të parlamentit ai u prit nga kryeministri Papandreu dhe kryetari i Parlamentit z. Pecanis. Sipas zakonit vendas, , në prani të Arkipeskopit të Greqisë, Jerenimo, dhe klerikëve të tjerë, si dhe përkrah të kryeministrit Papandreu, u bë betimi në mes të duartrokitjeve. Një betim i kryer në mes të një uniteti në kohë të vështira që po kalon Greqia. Presidenti firmosi protokollin e betimit, më pas firmosi kleriku Jeronimo dhe kryeministri Papandreu.
Që nga dita e sotme Karolos Papulias rizgjidhet president edhe për 5 vjetët e ardhshme, njeriu më i dashur për popullin grek, por njëkohësisht edhe për komunitetin shqiptar. Të gjithë kryetarët e partive në parlament i shtrënguan dorën presidentit, duke u larguar nga salla me duartrokitje. Sa herë që i është dhënë mundësia Papuliasi ka ndërhyrë në kohë duke i tërhequr vemëndjen politikës duke filluar për të drejtën qytetare e deri te kriza ekonomike. Ai dha një mesazh me jetën e tij praktike duke jetuar në një apartament njëllojë si qytetarët e zakonshëm. Kemi punë përpara për të bërë, u shpreh Papulias në takimin me kryeministrin Papandreu dhe kryetarin e parlamentit.
Karolos Papulias
3 shkurt 2010 z. Karolos Papoulias u rizgjidhet president i vendit per se dyti here radhasi me 266 vota të hedhura nga 298 votues. Ai është votuar nga grupe të plotë parlamentar si PASOK, ND dhe LAOS dhe me 32 vota të parisë Komuniste (KKE) dhe SYRIZA. Me këtë rezultat, u bë presidenti i “tretë” i cili riemërimi për një mandat të dytë. Di tre gjuhë të huaja, gjermanisht, frëngjisht dhe italisht. Është njeriu dhe politikani i vetëm që ka rivendosur marrëdhëniet e fqinjësisë së mirë me Shqipërinë.
Biografia
Karolos Papulias ka lindur në Janinë më 4 qershor të1929. Profesioni avokat. Ka mbaruar arsimin fillor në Pogoniani. Ka vazhduar studimet në Zosimaza në Janinë, Palio Faliro etj. Studioi në Shkollën e Drejtësisë të Athinës dhe në Milanos. Ka një disertacion të doktoratës në Universitetin e Këlnit. Ai ka punuar si avokat gjatë periudhës 1963-1981.
Ka qenë një bashkëpunëtor i ngushtë i ish-kryeministrit Andreas Papandreu, babai i kryeministrit të sotëm Jorgo Papandreu. Karolos Papulias ka qenë një sportist i talentuar, një kampion i vjetër në kërcim me shkop si dhe anëtar i ekipit kombëtar të volejbollit dhe president i Klubit Sportiv Kombëtare.

Në 1967, një muaj pas vendosjes të diktaturës ushtarake Papulias ndodhej në Gjermani, ku organozoi krijimin e organizatës rezistencës "Socialistët e Bashkimit Demokratik të Jashtme", i cili u zgjodh sekretar i përgjithshëm. Gjatë periudhës së diktaturës (1967-1974) ka bashkëpuar rregullisht në emisionin që transmetohej në greqisht në “Deutsche Ëelle” ku denoncohej regjimi juntës ushtarake.

Në vitin 1974 ai ishte anëtar themelues i PASOK dhe u bë anëtar i Komitetit Qendror të Lëvizjes.
Nga prilli 1975-1985 shërbeu si sekretar i Komitetit të Marrëdhënieve Ndërkombëtare të PASOK-ut, ndërsa periudhën 1976-1980 ka qenë anëtar i Këshillit koordinues të partisë.
Në vitin 1977, u zgjodh deputet i parë në zonën e Janinës me kandidaturën e kandidatit të PASOK-ut, ku u rizgjodh edhe tetë herë të tjera, duke qendruar 27 vjete në parlament si deputet.
Në vitin 1981, emërohet si zëvendës ministër i jashtëm dhe pjesmarrës në formësimin e politikës së jashtme të qeverive të Andreas Papandreu.
Në tetor 1995, u zgjodh për të parën here anëtar i Byrosë Ekzekutive të PASOK-ut dhe anëtar Sekretariatit Politik të partisë. Pas zgjedhjeve të vitit 1996, emërohet kryetar i delegacionit parlamentar grek në OSBE (Organizata për Siguri dhe Bashkëpunim në Evropë).
Në korrik 2000, emërohet anëtar i Bordit dhe anëtar i Bordit Ekzekutiv të Fondacionit Ndërkombëtar Olimpik armëpushimit.
Më 8 shkurt 2005, dy partitë e mëdha e parlamentit grek, Demokracia e Re dhe PASOK, kanë mbështetur propozimin e ish kryetarit të partisë Kostas Karamanlis në vitin 2004, për t’u zgjedhur president i Greqisë.
Që nga dhjetori i vitit 2004 rigjidhet përsëri PRESIDENTedhe për pesë vjetët e ardhshme me 279 vota pro nga 300 të mundshme, një përqindje e madhe votash që përbën një rekord përsa i përket unitetit në historinë e vendit. Karolos Papulias është emëruar pas presidentit Kostandinos Stefanopulos më 2005, që drejtoi vendin për 10 vite me radhë.

Janë regjistruar mbi 1200 greva dhe protesta, me një mesatare tre në ditë

Greqia paralizohet sërish nga greva e përgjithshme 24- orëshe, duke paralizuar plotësisht kryeqytetin vendas. Dhe për ditët në vazhdim, janë parashikuar greva dhe protesta të tjera. Për të huajt, Athina është kryeqyteti i vetëm i grevave dhe protestave në botë, i përleshjeve dhe i përdorimit të sasive të mëdha të lëndëve kimike nga policia, ku sasia vjetore e përdorimit, shkon në 6000.

Përsa i përket numrit të grevave dhe protestave, per vitin e kaluar u rregjistruan mbi 1200 të tilla, baras kjo me tre greva dhe protesta në ditë. Ndërsa për 2010 mendohet të thyhet edhe një rekord i ri botëror, pasi muaji mars është parashikuar si muaji i grevave dhe i protestave. Demokracia e tejtepruar e një pakice kundrejt interesave të shumicës, ka bërë që prej një jave, 50-70 vendas, mbajnë peng të bllokuar një nga rrugët kryesore në Athinë,( Panepistimio) duke sjellë një anarshi në trafikun rrugor.

“Nuk do të paguajmë krizën ekonomike”, ky është mesazhi i grevës së përgjithshme 24- orëshe, që u zhvillua dje në Greqi.Kriza e rëndë ekonomike në Greqi po përballet me greva të njëpasnjëshme nga pjesa më e madhe e popullit. Muaji mars është kthyer me të vërtetë muaj i grevave dhe protestave, si një kundërpërgjigje të qeverisë së Papandreut, që po bën të pamundurën në të mundur. Siç është njoftuar ditë më parë, dje vendi u paralizua nga një grevë 24- orëshe, organizuar nga sindikatat e përgjithshme “GSSE” dhe “ADEDY”, me mesazhin: “Nuk do të paguajmë ne krizën ekonomike”.

Në grevë përveç sektorëve të tjerë, mori pjesë edhe sektori i transportit, duke paralizuar plotësisht lëvizjen e udhëtarëve, me ndonjë përjashtim të transportit urban dhe hekurudhor me orar të kufizuar. Greva e djeshme u përqendrua si gjithnjë në dy sheshe kryesore në Athinës, ku sindikata të bashkuara u mblodhën në sheshin “Pedio Areos”, ndërsa lëvizjet dhe organizatat politike, të udhëhequr nga PAME, u mblodhën në sheshin qendror “Omonia“, ku më pas janë drejtuar për të protestuar përballë Parlamentit. Drejtori i Federatës së Punëtorëve i ka akuzuar grevistët se duan ta kthejnë Greqinë në një vend për t'u mëshiruar, edhe pse dihet që Bashkimi Evropian ka premtuar ta ndihmojë Greqinë, por nuk kanë shpallur ende masa konkrete.

Sindikatat që në fillim të grevës u kanë bërë thirrje, që të gjithë punonjësit vendas ti përgjigjen thirrjes për të mbështetur grevën 24- orëshe. Në grevë është parashikuar që universitetet dhe shkollat të qëndrojnë të mbyllura, si dhe të gjitha shërbimet publike, të cilat përfaqësohen nga sindikatat ADEDY.Në grevë morën pjesë edhe punonjësit e qeverisjes vendore, për të shprehur reagimin në marrjen e masave në uljen e pagës dhe ngrirjen e pensioneve, ndërsa hapësira ajrore e vendit do të jetë e mbyllur në 24 orët e ardhshme, ndërsa anijet mbeten të bllokuara në porte. Pranë Parlamentit të vjetër, policia dhe punonjësit e zjarrfikësave janë bashkuar me grevistet e tjerë. Media vendase ka mbështetur grevën 24- orëshe së bashku me punonjësit e bankave, etj.

Një grup të rinjsh të maskuar dhe me kaska, që i përkasin lëvizjeve anarkistesh, gjatë rrugës “3 Tetori”, kanë hyrë në mes të grevistëve të organizuar nga sindikatat, duke hedhur bomba molotov në drejtim të forcave të ruajtjes se rendit, të cilët janë përgjigjur me gaz lotsjellës. Në kryqëzimin e rrugës “Veranzerou” dhe “Patission”, të rinjtë vunë flakën një makine i markës “Audi”, e cila u shkatërrua plotësisht. Ndërsa, disa të tjerë, kanë shkruar parulla të ndryshme me bojëra sprej.

Grevistët i janë drejtuar qendrës së Athinës, për tu bashkuar me grevistët e tjerë të lëvizjes PAME, ndërkohë që disa të rinjtë kanë qëndruar përballë forcave të ruajtjes së sigurisë, pranë Universitetit “Politekniu”, ku ka patur edhe përplasje me policinë që ka përdorur lëndë kimike.

Janë regjistruar mbi 1200 greva dhe protesta, me një mesatare tre në ditë
Greqia paralizohet sërish nga greva e përgjithshme 24- orëshe, duke paralizuar plotësisht kryeqytetin vendas. Dhe për ditët në vazhdim, janë parashikuar greva dhe protesta të tjera. Për të huajt, Athina është kryeqyteti i vetëm i grevave dhe protestave në botë, i përleshjeve dhe i përdorimit të sasive të mëdha të lëndëve kimike nga policia, ku sasia vjetore e përdorimit, shkon në 6000.

Përsa i përket numrit të grevave dhe protestave, per vitin e kaluar u rregjistruan mbi 1200 të tilla, baras kjo me tre greva dhe protesta në ditë. Ndërsa për 2010 mendohet të thyhet edhe një rekord i ri botëror, pasi muaji mars është parashikuar si muaji i grevave dhe i protestave. Demokracia e tejtepruar e një pakice kundrejt interesave të shumicës, ka bërë që prej një jave, 50-70 vendas, mbajnë peng të bllokuar një nga rrugët kryesore në Athinë,( Panepistimio) duke sjellë një anarshi në trafikun rrugor.

“Nuk do të paguajmë krizën ekonomike”, ky është mesazhi i grevës së përgjithshme 24- orëshe, që u zhvillua dje në Greqi.Kriza e rëndë ekonomike në Greqi po përballet me greva të njëpasnjëshme nga pjesa më e madhe e popullit. Muaji mars është kthyer me të vërtetë muaj i grevave dhe protestave, si një kundërpërgjigje të qeverisë së Papandreut, që po bën të pamundurën në të mundur.

Siç është njoftuar ditë më parë, dje vendi u paralizua nga një grevë 24- orëshe, organizuar nga sindikatat e përgjithshme “GSSE” dhe “ADEDY”, me mesazhin: “Nuk do të paguajmë ne krizën ekonomike”. Në grevë përveç sektorëve të tjerë, mori pjesë edhe sektori i transportit, duke paralizuar plotësisht lëvizjen e udhëtarëve, me ndonjë përjashtim të transportit urban dhe hekurudhor me orar të kufizuar.

Greva e djeshme u përqendrua si gjithnjë në dy sheshe kryesore në Athinës, ku sindikata të bashkuara u mblodhën në sheshin “Pedio Areos”, ndërsa lëvizjet dhe organizatat politike, të udhëhequr nga PAME, u mblodhën në sheshin qendror “Omonia“, ku më pas janë drejtuar për të protestuar përballë Parlamentit.

Drejtori i Federatës së Punëtorëve i ka akuzuar grevistët se duan ta kthejnë Greqinë në një vend për t'u mëshiruar, edhe pse dihet që Bashkimi Evropian ka premtuar ta ndihmojë Greqinë, por nuk kanë shpallur ende masa konkrete. Sindikatat Sindikatat që në fillim të grevës u kanë bërë thirrje, që të gjithë punonjësit vendas ti përgjigjen thirrjes për të mbështetur grevën 24- orëshe. Në grevë është parashikuar që universitetet dhe shkollat të qëndrojnë të mbyllura, si dhe të gjitha shërbimet publike, të cilat përfaqësohen nga sindikatat ADEDY.

Në grevë morën pjesë edhe punonjësit e qeverisjes vendore, për të shprehur reagimin në marrjen e masave në uljen e pagës dhe ngrirjen e pensioneve, ndërsa hapësira ajrore e vendit do të jetë e mbyllur në 24 orët e ardhshme, ndërsa anijet mbeten të bllokuara në porte.

Pranë Parlamentit të vjetër, policia dhe punonjësit e zjarrfikësave janë bashkuar me grevistet e tjerë. Media vendase ka mbështetur grevën 24- orëshe së bashku me punonjësit e bankave, etj.

Një grup të rinjsh të maskuar dhe me kaska, që i përkasin lëvizjeve anarkistesh, gjatë rrugës “3 Tetori”, kanë hyrë në mes të grevistëve të organizuar nga sindikatat, duke hedhur bomba molotov në drejtim të forcave të ruajtjes se rendit, të cilët janë përgjigjur me gaz lotsjellës. Në kryqëzimin e rrugës “Veranzerou” dhe “Patission”, të rinjtë vunë flakën një makine i markës “Audi”, e cila u shkatërrua plotësisht. Ndërsa, disa të tjerë, kanë shkruar parulla të ndryshme me bojëra sprej.Grevistët i janë drejtuar qendrës së Athinës, për tu bashkuar me grevistët e tjerë të lëvizjes PAME, ndërkohë që disa të rinjtë kanë qëndruar përballë forcave të ruajtjes së sigurisë, pranë Universitetit “Politekniu”, ku ka patur edhe përplasje me policinë që ka përdorur lëndë kimike.

Në “Omonia”, grevistët janë përleshur me policët dhe ruajtësit e rendit “MAT” dhe “DELTA”, duke hedhur gurë ndaj tyre dhe objekteve të tjera dhe çdo gjë që gjenin përpara. Policia në kundërpërgjigje, ka përdorur bomba me gaz-lotsjellës. Gjithashtu edhe këtë radhë, pati shkatërrime dhe thyerje të xhamave të dyqaneve pranë qendrës, ndërsa një vendas është plagosur. Policia ka bërë edhe arrestime.

Më 16 mars, përsëri është vendosur për një grevë tjetër të përgjithshme 24- orëshe, ndërsa më 18 mars, në grevë do të hidhen punonjësit e karburanteve dhe më 21, ata do të vendosin në se do vazhdojnë ose jo grevën, të cilët reagojnë që të mos vendosin makinën e taksave( treguesin e faturës së shitjes). Shumë herë këta kanë tentuar për të bërë të mundur një takim me ministrin përkatës, po përpjekjet e tyre për takim nuk janë realizuar.

Edhe pse Greqia është një nga vendet më të bekuara, sistemi politik apo mentaliteti ballkanas ka bërë që ky vend të ketë një borxh të madh që përbën një rekord të njerëzimit. Është hera e parë që mbas Luftës së Dytë Botërore, që një vend të ketë kaq shumë hua. Analistët grekë bëjnë fjalë se dëmet që shkaktoi Gjermania në Luftën e Dytë Botërore, ishin në 50 miliardë, ndërsa sistemi politik vendas gjatë 60 vjetëve në paqe e ka tejkaluar atë në 380 miliardë, ose më saktë një fëmijë që lind sot në këtë vend, sa del në jetë, ka një borxh prej 30.000 eurosh. Sa për kuriozitet, borxhi i Greqisë prej 380 miliardë ,është më shumë se sa borxhet që kanë së bashku Rusi-Argjentinë.

Analistët kompetentë për ekonominë flasin se, për të shlyer këtë borxh këtij vendi, i duhen të paktën rreth 25 vite, dhe kjo do të arrihet, në qoftë se kontrollohet borxhi sa nuk është vonë. Po një shqetësim i ministrit të Punës, z. Lovedos, është se papunësia këtë vit do të prekë rreth 1 milionë njerëz, duke mos marrë në konsideratë emigrantët apo komunitetin rom e cigan. Borxhet, 4 herë më shumë kufirin në Eurozonë. Greqia ka një deficit prej 12.7 për qind, katër herë më të lartë se ç'lejohet në Eurozonë.

Qeveria ka vendosur ta ulë këtë deficit në 8.7 për qind këtë vit, dhe të zvogëlojë borxhin kombëtar, duke shkurtuar rrogat e punonjësve të shërbimeve publike, duke ngritur moshën e pensionit dhe duke rritur TVSH-në.

832.975 familje në pragun e varfërisë

Papandreu po bën përpjekje të shumta për të siguruar ndonjë mbështetje ekonomike me qëllim që ekonomia të mos bjerë poshtë akoma më shumë, po kjo gjë nuk mund të shpëtojë nga varfëria rreth 833.000 familje, që jetojnë me të ardhura vjetore, më pak se 13.600 euro, këto të regjistruara para krizës ekonomike.

Po sipas statistikave të Shërbimit Kombëtar të Greqisë ( NSG) të vitit 2008, më shumë se 832.975 familje greke, ose 2.186.869 njerëz, janë të regjistruar në listën e varfërisë, baras kjo me 20 për qind të popullsisë të kërcënuar nga varfëria.

Numri më i madh i varfërisë, prek moshën deri në 17 vjeç, që shkon deri në 23 për qind, ndërsa për njerëzit mbi moshën 65 vjeç, shkon deri në 22 për qind. Varfërisë e papunësisë shkon në 37 për qind, me një rritje të konsiderueshme në dy pikë përqindje në krahasim me 2007. Sipas studimit të kushteve të jetesës së familjes, të ardhurat në vitin 2008 ishin në pragun e rrezikut të varfërisë për person, me të ardhura vjetore prej 6.480 euro.

Kjo do të thotë, se një person do të konsiderohet i varfër, duhet që të ketë në muaj më pak se 540 euro, ndërsa për një familje prej katër personash me të ardhura në 13.608 në vit, ose përkatësisht me 1.134 euro në muaj. Në këtë studim nuk janë marrë parasysh komuniteti rom apo të pastrehët...

Rreziku i varfërisë për fëmijë nga mosha 0-17 vjeç, arrin deri në 23 për qind, dhe për njerëzit e moshës 18-24, si dhe për personat mbi 65 vjeç është në 22 për qind. Studimi tregon gjithashtu se varfëria më e lartë i prek gratë në rreth 21 për qind, ndërsa meshkujt, në rreth 20 për qind. Familje me vetëm një anëtar (grua) është në rrezikun e varfërisë në shkallën 27 për qind, ndërsa të familjeve përkatëse vetëm me një anëtar (mashkull), arrin në 23 për qind.

Të papunët, ekonomikisht jo aktivë, (pensionistët, shtëpiaket, etj), janë më shumë në rrezik të varfërisë në 37 për qind, kundrejt 14 për qind, të atyre që punojnë. Familjet që jetojnë në një shtëpi private janë të kërcënuar nga varfëria në 19 për qind, ndërsa për ata që jetojnë në shtëpi me qira, kjo shifër arrin 25 për qind.
Rreziku i varfërisë midis familjeve me një prind dhe të paktën me një fëmijë në ngarkim është 27 për qind, ndërsa raporti përkatës për familjet me dy prindërit dhe një fëmijë në ngarkim është në 22 për qind.
Gjithashtu, studimi thekson se në zonat me popullsi të dendur (më shumë se 500 banorë për km katrore, si dhe një popullsi më pak se 50.000 banorë), rreziku i varfërisë llogaritet në 28 për qind të popullsisë së këtyre zonave, ndërsa 9 për qind për zonat ku densiteti i ndërmjetëm, tejkalon 100 banorë për km katror dhe popullsi të paktën prej 50.000 banorë, në zonë të populluar e të dendur.

Në fusha të tjera, të populluara, rreziku i varfërisë arrin në 63 për qind. Marrëdhëniet ndërmjet arsimit dhe varfërisë janë të rëndësishme, sa që 71,2 për qind e të varfërve kanë përfunduar vetëm arsimin e detyrueshëm. Më shumë se 42 për qind e njerëzve janë analfabetë, ose nuk e kanë përfunduar, ndërsa përqindja e njerëzve që kanë përfunduar arsimin e lartë ose pasuniversitar është 7 për qind, janë këta që rrezikohen dhe kërcënohen nga varfëria e mëtejshme.

Rreziku i varfërisë tashmë ka filluar të prekë edhe emigracionin e ligjshëm dhe atë të klandestinëve. Emigrantët përbëjnë 12,5 për qind të fuqisë punëtore, ndërsa sot, ata rrisin numrin në radhët e ushtrisë së papunëve përkrah popullit vendas.

Zoti Murati, lajmi i pasqyruar në shtypin grek dhe që u përkthye në atë shqiptar, është i vërtetë?
Ky problem, neve, strukturave të PS-së në Greqi, na ka preokupuar që më 1 dhjetor të vitit 2008, ku unë protestova në organet përkatëse kompetente të larta të PSSH-së dhe mora përgjigjen që, ne nuk kemi firmosur një vendim të tillë, nuk dimë gjë, s’kemi nevojë për një strukturë shtesë paralele, pasi aktualisht ajo ekziston që më 12/03/2006. Pra nuk ka sesi të krijohet një gjë që është krijuar. Por...
Përse ndodh kjo?

PSSH në punën e saj me emigracionin, krahasuar në të kaluarën, ose me forcat e tjera politike, ka merita dhe ka investuar një punë kolosale, por në këtë përpjekje të re shfaqen edhe dobësi dhe mangësi. Është gabim që strukturat tona që shtrihen në të gjithë Greqinë, si meritë e punës tonë, në Kongresin e PS-së më 2007 nuk u përfaqësuam në organet që zgjedh kongresi, si në Asamblenë Kombëtare ashtu dhe në organet e tjera. Mungesa e përfaqësimit është mungesë demokracie dhe shprehje. Aktualisht PS është duke organizuar një diskutim të gjerë brenda në Parti për ndryshimet statutore. Atje ne kemi paraqitur mendime dhe propozime që do të përmirësojnë funksionimin organizativ në të ardhmen siç janë, krijimi pranë PSSH në Tiranë i sektorit të organizimit dhe nevoja e një sekretari të PSSH për emigracionin, përfaqësimi statutor në organet e PS dhe strukturat janë pronë e anëtarëve dhe asnjëherë nuk duhet të jenë pronë e pashallarëve dhe agallarësh të vjetër apo të rinj. Politikanëve të sundimit u ka ikur koha, dëmtojnë rëndë partinë dhe nuk gëzojnë simpatinë e masave. Është nevoja të sqarojë se punën për zbatimin e vendimeve të organeve qendrore, qoftë edhe nevojën e strukturave të reja, organizojmë ne që jemi organe të zgjedhur dhe jo ata të vetëzgjedhur.
Ju jeni i emëruar, apo jeni zgjedhur?
Siç është bërë e njohur nga organi “Zëri i Popullit” dhe nga vetë deklarata e PSSH e nga vetë z. Edi Rama, unë jam zgjedhur së bashku me të gjitha organet përkatëse në bazë të parimit, një anëtar një votë, ku ishin prezentë kryetari, sekretari dhe një grup deputetësh të PSSH, si dhe nga organet më të larta të PASOK-ut. Në fakt, së bashku me shokët e mi, kemi udhëhequr strukturat e PS që nga viti 1993, ku kishim krijuar shumë organizata socialiste me veprimtari të njohura, si ndër të tjerat përmendim mitingun e madh në sheshin “Kanigos” në qershor të 1997, me prezencën e të gjithë udhëheqjes së PSSH, mitingun në pallatin te lojërave “SPORTING” më 26/07/2005 në prezencën e shokut Gramoz Ruçi, Anastas Angjeli, si dhe shumë takime të njohura nga opinioni shqiptar dhe ai grek në mbarë Greqinë me shokët Edi Rama, me shumë grupe deputetësh dhe në takime të mëdha e të rëndësishme me PASOK-un dhe me z.Jorgo Papandreu, këto takime kanë ndikuar fuqimisht në zgjedhjen e z. Jorgo Papandreut në postin e kryetarit dhe në fitoret e PASOK-ut, në zgjedhjet parlamentare dhe greke, si dhe me ardhjen e PASOK-ut në pushtet.
E quaj gabim politik shqiptar në përgjithësi për Parlamentin, por edhe për vetë PS-në, për mungesën juridike që ekziston nga mos përfaqësimi i emigracionit në organet e pushtetit lokal dhe në ato parlamentare, sepse mungesa e përfaqësimit në organet e partisë dhe të pushtetit është një padrejtësi shqiptare përballë një përvoje të përparuar evropiane. Pa zgjidhur nevojën e përfaqësimit të emigrantëve në të gjithë sistemin piramidal të pushtetit, të shtetit, por edhe të forcave politike, nuk ka përpjekje dhe përparim të proceseve demokratike, nuk ka integrim në autostradën evropiane. Por, do të lulëzojnë edhe në të ardhmen manipulimet dhe falsifikimet. Prandaj ju gazetar, këto mos i merrni si kritika në dëm të PS, por si mangësi të shoqërisë shqiptare, të shoqërisë emigrante dhe të klasës politike aktuale që udhëheq sot në Shqipëri. Se në fund të fundit, PSSH në lidhje me emigracionin, qëndron më shumë përpara.
Konkretisht shihni ndonjë pengesë?
Strukturat e PS në emigracion janë ndeshur dhe janë bërë pengese fenomeneve të shoqatizimit të organeve, ose organizatave socialiste, të depërtimit në to të ish kryetarëve të skaduar, figura emigrantësh të diskretituar, e që kanë fituar urrejtjen e shumicës, mentalitetet e futjes në parti nga dritarja, e të depërtimit tangent, ato të “miqësisë” me qendrën, me udhëheqjen, e që zënë 100 herë në ditë emrin e drejtuesit, ashtu dhe fenomenet e shitblerjes e të biznezisimit të organeve të partisë, nga biznesmenë të çastit dhe të shansit, nga “korrier” ambasade, nga skorie e teprica e së djathtës, ose dështakë të PD, ku përpiqen të veshin kostumin e PS.
Në mbyllje të bisedës, mesazhi juaj?
Do të jetë mirë që në të ardhmen, PSSH me organet e saj në qendra, të mos bëhet pengesë (të mos bazohet në punën e disa koordinatoreve të dështuar) të respektojnë forumet, strukturat dhe organet e zgjedhura, por mbi të gjitha ti përgjigjet vrullit, militantizmit dhe dinamizmit të socialistëve emigrantë, që strategjia e tyre është kontributi i pa ndërprerë për ardhjen e PSSH në pushtet, si dhe shembullit pararojë e tepër patriotik të mbarë emigracionit shqiptarë, që me mijëra simpatizantë vërshojnë drejtë Shqipërisë për votimet, dhe duan që kjo votë e hedhur në kuti, të mos manipulohet, të mos vidhet, por të administrohet e të njihet ashtu siç është në kuti.