Sh.Zinxhiria

Siç dihet qeveria Papandreu po bën realitet premtimin për integrimin e emigrantëve në shoqërinë vendase. Pas marrjes të disa vendimeve pro emigrantëve, duke filluar që nga të drejtat politike, si dhe dhënia e nënshtetësisë fëmijëve të emigrantëve të lindur dhe atyre që janë rritur, ajo përsëri merr një vendim tjetër në integrimin e mëtejshëm të tyre. Duke pasur parasysh termin se, pa respektim të emigrantëve nuk ka integrim, qeverija Papandreu menjëherë pa humbur kohë pas marrjes së besimit në Parlament ka hedhur akoma një hap tjetër të rëndësishëm në favor të emigrantëve. Tashmë kjo qeveri po planifikon dhe po ven në zbatim inisiativën e dikurshme kur ishte në opozitë që edhe emigrantët, brezi i dytë të inukadrohet në radhët e policisë.

Kjo gjë nuk përbën ndonjë lajm të ri, pasi ardhja në pushtet e socialistëve (PASOK) për emigrantët ishte një shpresë e madhe për ta, pasi kishin besim të plotë se diçka do bëhej në favor të tyre. Qeveria aktuale greke po bën atë që nuk bëri me kohë Kostas Karamanlis, në vend të ngritjeve të kampeve dhe gazerma për mbajtjen e emigrantëve, sot me politikën e saj duket se po shkëputet një herë e përgjithmonë nga mentaliteti se emigrantët janë një rrezik kombëtar për Greqinë. Papandreu me reformat e emigracionit ka hedhur poshtë edhe idetë e poltikanit dhe ish burrit të motrës së tij se emigracioni është një bombë me sahat.

Ai me integrimin e emigrantëve në radhët e policisë po i afrohet gjithmonë e më shumë vendeve të tjera që me kohë kanë përfshirë në këtë organ të rëndësishëm emigrantë. Britania e Madhe prej vitesh ka inkuadruar emigrantë në radhët e policisë, ku sot rreth 20 për qind e përbëjnë të huajt. Ish ministri i Rendit, i sukseshëm në qeverinë Simitis, Michalis Chrisochoidis kundër grupit të njohur terorist 17 Nëntori, sot minister për Mbrojtjen e Qytetarit, një natë më parë ka bërë publike se qeveria po planifikon të inkuadrojë emigrantë në radhët e policisë. Simbas tij, integrimi i emigrantëve në radhët e policisë do të kryhet në dy faza. Në fillim si asitent të policisë, me qëllim për të kryer rolin e përkthyesit apo të psikologut në marrëdhëniet ndërmjet këtij organi dhe komunitetit të huaj. Në fazën e dytë fëmijët e emigrantëve (brezi i dytë) do t'i kenë të gjitha mundësitë të punësohen si punojës dhe agjentë në radhët e policisë. Kjo padyshim do japë edhe rezultate, pasi eksperienca në vendet e tjera të BE është tepër pozitive. Për këtë planifikim pritet edhe amendimi i një dekreti presidencial, ku besohet se do të jetë pozitivisht, pasi presidenti i sotëm Karolos Papulias i përket socialistëve në fuqi.

Dihet që një nga plagët në qeverinë e Karamanliut ishte policia, ku shumë flitej për një reformë dhe që nuk u bë. Ishte kjo polici që i dha shkak ngjarrjeve të rënda të dhjetorit të 2008 me vrasjen e nxënësit 16 vjeçar. Ishte kjo polici që i dha shkak djedieve masive në Athinë dhe Selanik. Ishte kjo polici që për sot përbën një sfidë për qeverinë Papandreu. Rastet e keqtrajtimeve e të vrasjeve të emigrantëve nga radhët e policisë, jo pak herë kanë tundur karigen e ish kryeministrit Karamanliut. Papandreu e ka të qartë se ka ardhur koha që edhe Greqia të integrohet brenda vetes saj, e më pas të integroj të tjerrët. Ky veprim është pritur pozitivisht nga radhët e emigrantëve, në një kohë kur komuniteti shqiptar përbën 64.5 për qind të gjithë emigracionit në Greqi, ndërmjet 120 komuniteteve të tjera. Po një numër të madh emigrantësh ndodhen prapa kangjellave në dhomat e parandalimit apo të komisariateve të policisë për arsye të burokracisë shtetërore. Rreth 2190 burgosur shqiptar vuajnë sot dënimet e tyre në 70 burgjet e greqisë. rreth 5.800 mbahen të izoluar për arsye dokumentash. 60 emigrantë jtë pafajshëm janë vrarë nga forcat e policisë për arsye ordinere se nuk kanë ndaluar asaj…

Mendohet se kjo deklaratë e ministrit të Mbrojtjes së Qytetarit ka ardhur edhe si shkak i shumë debateve pas vrasjes së 27 vjeçarit nga Pakistani, Mohamed Atif Kamran, ku shkaqet e kësaj vdekjes ende nuk janë zbardhur, edhe pse denoncimet janë bërë për keqtrajtim nga policia në komisiariatin e qytetit të Nikias të Athinës. Përsa i përket integrimit në radhët e policisë kjo më shumë i përket jo vetëm qeverisë greke, por njëkohësisht komunitetit shqiptar në Greqi, pasi 120 mijë fëmijë shqiptar ndodhen sot në këtë vend. Mbi të gjitha është amendimi i dekretit presidencial që vulos përfundimisht integrimin e emigrantëve edhe në radhët e policisë, por njëkohësisht priten edhe reagimet e partive të tjera që janë kundra integrimit të emigrantëve.