Sh.Zinxhiria

Pjesëmarrja në parlament e rrit efikasitetin e protestave, ndërsa protestat nuk e zëvëndësojnë dot efektin e opozites parlametare...


Anëtari i kryesisë, një nga figurat e vjetra në PS, Arben Malaj, në një intervistë për gazetën “Tirana Observer”, flet se, kandidimi i tij për kreun e PS, nuk ishte një lojë se sa një vullnet pozitiv për sfidat në rritje që ka PS-ja. Simbas tij kandidimi nuk ishte një garë personale, duke shpresuar për mundësinë e një garë të sinqertë dhe të hapur, nga ku konkuruesit të shndroheshin në kolegë, ku t’i bashkonte përgjegjësia e përbashkët dhe jo preferenca individuale.
Lidhur me propozimin e kryeministrit Berisha të yevend;simit te lekut me euron, ish ministri i Ekonomisë Arben Malaj e sheh atë të parakohëshme dhe se qeveria aktuale duhet të bëjë kujdes me politikat fiskale. Ai mbështetet në faktin se nga 27 vende të Bashkimit Evropian, vetëm 16 prej janë bërë pjesë e eurozonës. I pronocuar për ekonominë me vendit Malaj jep mendimet që Qeveria duhet te vendos rregull në financat publike, të bëj kujdes me borxhet e rënda në euro, të nxisë eksportet, turizmin dhe investimet e huaja, nqs do që realisht shqiptarët të mos varfërohen nga çvleftesimi i mëtejshëm i monedhës kombëtare.
Lidhur me angazhimin politik Malaj thotë se: Angazhimi në qeveri erdhi rastësisht dhe në një moment kritike për vendi tim.
Për futjen në parlament Ai thotë se, “Deklaratat per t’u futur në parlament, për të bojkotuar bojkotin, nuk janë gara individuale midis kolegeve të grupit parlamentare të PS, por një ftesë e hapur publike. Protestat pa pjesmarrje në parlament janë vetëm opozite kunder. Ndërsa si e e majtë mund të fitojmë më mirë kur nuk shpreson tek agresiviteti qendrimit kundër, por tek kredibiliteti i opsioneve alternative.
Për përplasjen me kryetarin Rama thekson se, ka zgjedhur si partner të vertetën dhe perkushtimin, ku shpreson të jenë fituese ndaj hipokrizisë dhe abuzimit me solidaritetin socialist dhe atë publik.
Pyetjes se a do të kandidonte përsëri për kreun e PS, Malaj si një politikan i vjetër thotë konkretisht: “Nuk është një qëllim në vetvete, dhe aq më pak një mundësi e vetme për të kontribuar në sfidat e PS-së dhe nëpërmjet saj në sfidat e vendit tim”.



- Si i komentoni vlerësimet që ju bënë këto ditë mbarë media shqiptare?

Gjithëkush dëshiron që mund të meritojë një vlerësim sa më realist dhe mundësisht pozitive për angazhimet e tij, por jo vetem politike. Nuk është e lehtë të qartësosh pse je duke dhënë një opsion ndryshe nga koleget e tu.

- Futja në politikë ishte një rastësi apo një dëshirë?

Jo thjeshte nje rastesi. U angazhova ne modernitimin e Patise Socialiste qe ne themeimin e saj. Kam shumë mirenjohje për shumë socialistë të qytetit të Vlorës për qartësinë, urtësinë dhe përkushtimin e tyre në vitet e vëshira të fillimit të tranzicionit tonë. Ndoshta angazhimi në qeveri erdhi rastësisht dhe në një moment kritike për vendi tim. Ambicja ka qenë jo e fshehur. Karriera është bazuar tek puna, përkushtimi dhe dashuria për njerezit.
Shërbimi publik është një përgjegjësi jo e lehte. Ka shumë vështirësi, por ka edhe kënaqësinë e mirenjohjes kur arrin të ndikosh sado pak pozitivisht në zhvillimet politike dhe ekonomike të vendit tend. Dalja e shpejte nga kriza e rëndë e vitit 1997 është një nga sukseset e vështira që arritëm sëbashku me kolege dhe ekspertë të përkushtuar të Partisë Socialsite, por edhe të administratës publike.


- Ju vutë kandidimin për kryetar partie dhe më pas ju u tërhoqet, mos vallë ishte një lojë ?

Në asnjë mënyrë jo. Nuk është gjë e lehtë të kërkosh të drejtosh forcën më të madhe politike të vendit tënd. Jo vetëm që nuk ishte lojë, por ishte një vullnet pozitiv dhe një angazhim vetëm të karakterit pozitiv për sfidat në rritje që ka PS-ja. Kandidimin tim nuk e konsiderova kurrë si një garë personale, por si një mundësi për të ndërtuar një ekip që njeh vlerat, që vlerëson punën dhe që promovon më të përkushtuarit.
U kërkoj ndjesë miqëve dhe dashamirësve mbështetës. Kërkoj mirkuptim për tërheqjen nga gara. Jam munduar te komunikoj publikisht për arsyet konkrete dhe reale të tërheqjes. Siç e dini njoftova publikisht që nuk do të isha pjesë e garës që shndërohej në konflikte. Shpresova të kishim mundësinë për një garë të sinqertë dhe të hapur, ku konkuruesit të shndëroheshin në kolegë, që i bashkonte përgjegjësia e përbashkët dhe jo preferenca individuale.
Gjithçka ndodhi deri në kongres dhe për më tepër gjithë fryma që u përcoll në kongres, reduktonte një garë shëruese, ndoshta po të vazhdonte agresiveti i krijuar apo i keqpërdorur, PS-ja dilte më e dobët dhe o më e fortë nga gara.



- A do të futeni ju si Arben Malaj në parlament?

Futja individuale në parlament nuk sjell produktin politike për të ciilin jemi angazhuar publikisht. Nqs një vote e vetme ndikon në një moment historik për vendin tim në proçesin e integrimit. Jam gati ta marr edhe këtë kosto indiviuale. Por, një veprim individual pa një produkt politike qe edhe pse nuk mirkuptohet në fillim, sjell një kontribut pozitive për të ardhmen e PS. Nuk nguroj ta marr pavaresisht nga pasojat personale.
Deklaratat per t’u futur në parlament, për të bojkotuar bojkotin, nuk janë gara individuale midis kolegeve të grupit parlamentare të PS, por një ftesë e hapur publike, e qartë, e sinqerte dhe perseritur ndaj kolegëve të grupit parlamentare te PS.
Mungesa e mbështetjes publike të disa kolegëve nuk është dështimi jonë, por dështimi i disa vlerave që e kanë mbajtur PS një forcë moderne dhe të sukseshme politike. Ndërsa mbështetja e medias dhe opinionit publik është një mesazh konkrete për të ndalur radikalizimin dhe vetizolimin e opinionit publik.

- Kryeministri shqiptar shumë herë ka theksuar se ka ardhur koha në zevendesimin e lekut me euron. Jeni i vetmi politikan që jeni prononcuar kundra. Përse?

Çdo qeveri ka si qëllim që me politikat e saj ekonomike të reduktoj risqet potenaciale të biznesit dhe ta bëj atë sa më të lehtë për çdo shqiptarë. Prandaj në strategjitë antikrize, lehtësimi ambjentit të biznesit, stabiliteti makroekonomik dhe produktiviteti i rritur i ekonomise, janë kollonat e rritjes së forte, të qendrueshme dhe të balancuar. Të gjithë e dimë që risku i kursit të këmbimit është një rrezik jo i lehtë për çdo shqiptarë dhe biznesmen që preket nga detyrimet, për të paguar kredi apo detyrime biznesi në monedhe të huaj.

Konkretisht?

Shqipëria do vite të bëhet pjesë e eurozonës dhe të përdor euron si monedhë kombëtare. Në këtë aspekt çdo kryeministër me politikat e tij ekonomike dhe buxhetore, duhet t’i jap një vlerë reale monedhës kombëtare. Kjo do të thotë që të kenë vlerë reale, pagat, pensonet, fitimet, të ardhurat e ndryshme të çdo shqiptari. Njekohësisht në ekonomi dihet qarte që një deficit i lartë buxhetore, nje borxh publik në rritje. Një deficit i lartë tregtare, dhe një deficit i lartë i bilancit të pagesave, pra me shumë kërkesa për euro se te hyra në euro, do ta zhvleftesojnë monedhën kombëtare, pra do të çvleftësojne pagat, pensonet, të ardhurat dhe fitimet.
Qeveria nuk mund të fsheh këtë shqetësim me vizionin e euros. Qeveria duhet te vendos rregull në financat publike. Duhet të bëj kujdes me borxhet e rënda në euro. Duhet të nxisë exportet, turizmin dhe investimet e huaja nqs do që realisht shqiptarët të mos varfërohen nga çvleftesimi i mëtejshëm i monedhës kombëtare.
Çdo politikë e tillë e lehtëson përdorimin e euros, si monedhë kombëtare, në rast të kundërt aplikimi i euros do t’i nxjerrë më lehtë në pah problemet e ekonomise sonë.

- Ju brenda PS sëbashku me grupin tuaj kini dalë hapur kundra poltikës sëkryetarit tuaj. Do të mbani të njëjtin qendrim.

Qendrimet tona janë pro PS, janë një alternative “ndryshe” për sfidat që ka PS-ja. Është alternativa kundër bojkotit, kundër radikalizimit dhe kundër vetizolimit të PS.

Nuk kini frikë se kjo mund t’ju kushtoj politikish?

Mendojë se kur angazhohesh në politik orientohesh nga kontributet dhe jo nga kostot. Ne kemi zgjedhur si partner të vertetën dhe perkushtim. Besoj të jenë fituese ndaj hipokrizisë dhe abuzimit me solidaritetin socialist dhe atë publik.

- Mendimi juaj për Nanon, Mejdani, Pëllumbin apo Zenelin, që nuk u përfshin në listat e kandidaturës për në zgjedhjet e 28 qershorit ?

Çdo forcë politike mundohet të maksimizoj efikasitetin publik të çdo investimi te saj.

- A do të kandidoj përsëri Arben Malaj për kreun e PS?

Nuk është një qëllim në vetvete, dhe aq më pak një mundësi e vetme për të kontribuar në sfidat e PS-së dhe nëpërmjet saj në sfidat e vendit tim.

- Sipas mendimit tuaj, opozita më e mirë është ajo e protestave në rrugë, apo në sallën e parlamentit?

PS-ja duhet të përdor me efikasitet tërësinë e mundësive për të bërë një opozitë efikase. Pjesëmarrja në parlament e rrit efikasitetin e protestave, ndërsa protestat nuk e zëvëndësojnë dot efektin e opozites parlametare, aq më shumë kur vendi është në momente kritike të integrimit. Protestat pa pjesmarrje në parlament janë vetëm opozite kunder. Ndërsa si e e majtë mund të fitojmë më mirë kur nuk shpreson tek agresiviteti qendrimit kundër, por tek kredibiliteti i opsioneve alternative.

- Në mbyllje të kësaj interviste donim të dinim përfundimisht, Cila do të jetë e ardhmja e partisë suaj në votimet e ardhëshme?

Ka akoma kohë për të shpresuar për rilindjen besimit për fitore dhe rritjen e kredibilitetit te politike dhe publike të PS. Por, duket akoma se ka pak ose shumë pak reflektim për të qartësuar strategjinë e fitores, për të maksimizuar efikasitetin e kontributeve dhe për ta bërë real fitoren.