Sh.Zinxhiria

Publikuar më 16 /01/2010 ne "Tirana Observer"

Sondazhi i bërë ditët e fundit nga Instituti “Kapa Research” për emigrantët, publikuar në shtypin vendas lidhur me dhënien e shtetësisë fëmijëve të emigrantëve, nxori në dritë se mbi gjysma e grekëve dëshirojnë që fëmijët e emigrantëve të lindur në Greqi të kenë të drejtë për të marrë shtetësi, ndërsa pjesa tjetër qëndron shumë e rezervuar për dhënien e të drejtës se votës.
Ky testim i bërë në shkallë mbarëkombëtare me 1.281 vendas dhe në 530 emigrantë tregon se integrimi i emigrantëve në shoqërinë greke ka shumë rrugë për të bërë, pasi 50 e popullit besojnë se emigrantët përbëjnë një rrezik kombëtar.
Edhe pse studimi dha këto rezultate partia opozitare “Demokracia e Re” është kundra dhënies së shtetësisë dhe të drejtave politike. Vetë kreu i saj Antonis Samaras pat deklaruar se kur të vijë në fuqi do të shfuqizojë vendimin e qeverisë së sotme të Papandreut që u jep të drejta sociale-politike fëmijëve të emigrantëve.
Një përgjigje të shpejtë ka dhënë edhe qeveria aktuale Samarasë, duke theksuar se vetëm Ai nuk ka të drejtë që të flasë për emigrantët, pasi ishte Ai që hapi kufijtë për shqiptarët. Po të njëjtën përgjigje dha edhe vetë kryeministri aktual Papandreu në konferencë për shtyp me rastin e 100 ditëve të qeverisjes ku theksoi se, emigrantët duhet të fitojnë të drejtave tyre.
Prapa nuk ka mbetur as partia nacionaliste LAOS, ku kreu i saj ka kërkuar edhe njëherë për një referendum popullor, duke ftuar z. Samara dhe prefektin e Selanikut, z. Psomiadhi.
Sondazhi bëhet në një kohë kur ekonomia greke ndodhet më keq se asnjëherë tjetër, ku 21 për qind e popullsisë në Greqi jeton në kufirin e varfërisë, si dhe për ta viti 2010 do të jetë viti i varfërisë, ku dhe papunësia sipas ministrit të Punës z. Andreas Loverdhos, ka shkuar në 12% dhe pritet të kapë shifrën në 21%, ose më saktë numri i të papunëve të shkojë në 1 milionë në fund të viti 2010. ]

Sondazhi
Sipas këtij sondazhit nga Instituti “Kapa Research” të financuar nga Fondi për Integrimin e Emigrantëve të ardhur nga vendet e treta rezulton se:

- Shumica më e madhe e të intervistuarve (79,3%) besojnë se numri i emigrantëve në Greqi është shumë i madh, ndërsa më shumë se 50% prej tyre besojnë se emigrantët bëjnë një kërcënim për në vendin.

- Një përqindje prej 57,5% besojnë që emigrantët kanë ulur pagat e punësimit dhe kanë rritur papunësinë midis grekëve, ndërsa vetëm 34,3% njohin kontributin e tyre në rritjen ekonomike dhe 50 për qind besojnë që emigrantët janë një barrë e rëndë mbi sistemin e sigurimeve shoqërore.

- Një në dy beson se prania e emigrantëve kërcënon të shtrembërojë e të humbas identitetin kombëtar të Greqisë, ndërsa katër në 10 pasurojnë kulturën e shoqërisë greke.
- 74.5 për qind mendojnë se emigrantët ndikojnë në rritjen e dhunës dhe të krimit, ndërsa 23.9 për qind kanë shprehur pikëpamje të kundërta.

- 65,35 për qind e emigrantëve në përgjithësi pohojnë se ndjehen të pasigurt në qytetin e tyre ku punojnë dhe jetojnë, ndërsa 48% ndihen të kërcënuara nga grekët, dhe vetëm 19% e emigrantëve të paligjshëm.

- 29.3 për qind e grekëve besojnë se emigrantët nuk do të jetë i integruar plotësisht, ndërsa 16,3 për qind prej tyre kërkojnë që duhet të braktisë zakonet dhe identitetin e tyre.

- Më shumë se gjysma e të intervistuarve vendas besojnë se emigrantët të paligjshëm duhet të largohen nga Greqia, ndërsa 34,3 për qind kërkojnë për të qëndruar dhe të gëzojnë të njëjtat të drejta si grekët.
8,9 e emigrantëve duan të kthehen në vendet e tyre , ndërsa 3, 7 për qind të qëndrojnë e mbeten pa të drejta.

- Mbi 50 përqind e intervistuarve grekë janë dakord që fëmijët e emigrantëve që lindin në Greqi kanë të drejtë të marrin shtetësinë greke, ndërsa 4 në 10-të kanë mendim të kundërt.

- Për të drejtën e votimit 49,9 për qind e grekëve deklarojnë se janë dakord, ndërsa 43.5 për qind nuk janë dakord
- Mbi 50 për qind e intervistuarve grekë janë dakord që fëmijët e emigrantëve që lindin në Greqi kanë të drejtë të marrin shtetësinë greke, ndërsa 4 në 10 kanë mendim të kundërt.
- 8 në 10 duan që për sjelljet e veprimet raciste kundra emigrantëve të dënohen, ndërsa 7 në 10 pajtohen me moton "Të gjithë të ndryshëm - të gjithë të barabartë".

Emigrantët
Nga përgjigjet e emigranteve doli se të siguruar në sistemin e sigurimeve shoqërore janë 7 në 10 të intervistuar, ndërsa 5 në 10 prej tyre kërkojnë të bëjnë bashkimin familjar.
- Gjysma e imigrantëve thonë se i gëzojnë të njëjtat të drejta si grekët, ndërsa pjesa tjetër u shprehën se nuk i gëzojnë ato
- Një në dy emigrantë dëshiron të marrë shtetësinë greke, ndërsa 7 në 10 kërkojnë të drejta për të votuar, vetëm 2 në 5 emigrantë besojnë se shteti grek është duke u përpjekur për të integruar ato në lidhje me identitetin e tyre.

- 65 për qind e emigrantëve kanë mendim të favorshëm për grekët, ndërsa 4 në 10 besojnë se për disa vjet do të bëhen grekë, vetëm 28.1 për qind prej tyre karakterizojnë në mënyrë raciste sjelljen e grekëve

Z. Ahmed Moavia, kryetar i Forumit Emigrantëve në Greqi

Më në fund është realitet. Është një masë efektive bazë e përfshirjes sociale, të paktën për emigrantët që janë këtu për disa vite, qe thyen këtë pasiguri që karakterizohet nga ligji i vjetër
Kjo do të rrisë një nxitje në vetë emigrantët që të dyfishojnë përpjekjet e tyre për një integrim më të thellë në shoqëri. Çdo masë e re nuk mund të gjejë një prodhim të përgjithshëm. Kjo temë është e djegëse dhe do të jetë për disa vite të tjera , por këto çështje duhet të diskutohet nën sundimin e ligjit me parimet demokratike dhe vlerat e shoqërisë së hapur.

300 deputetë grekë pro emigrantëve
300 grekë emigrantë që janë anëtarë të parlamentit në vende ku punojnë kanë reaguar pozitivisht në favor të emigrantëve. Janë këta grekë që emigruan në vitet 1962 dhe pas 10-12 vjetësh kanë fituar jo vetëm shtetësinë po edhe të drejtën për tu zgjedhur, që sot
Japin një përgjigje pozitive për të drejta politike për emigrantët. Kështu të drejtën e votës për emigrantët që jetojnë në Greqi japin edhe këta 300 grekë duke theksuar se është një rrugë që duhet ndjekur nga Greqia. Janë këta grekë që vendet pritëse i kanë dhënë vendin që u takon në forumet dhe institucionet përkatëse, në vendet e parlamentit etj.